Saljoet 3

Saljoet 3
Ruimtesending:	Saljoet 3 / Almaz 2
Herkoms:	Sowjetunie
Lansering :	25 Junie 1974 Baikonoer
Geland:	24 Januarie 1975 brand oor die Stille Oseaan in die atmosfeer uit.
Verblyf:	15 dae

Saljoet 3 (Russies: Салют-3; ook bekend as OPS-2^[1] of Almaz 2^[2]) was 'n Sowjet-ruimtestasie wat op 25 Junie 1974 gelanseer is. Dit was die tweede militêre Almaz ruimtestasie en die eerste sodanige stasie wat suksesvol in 'n wentelbaan geplaas is.^[2] Dit is opgeneem in die Saljoet-program om die ware militêre aard daarvan te verbloem.^[3] Vanweë die militêre aard van die stasie, was die Sowjetunie huiwerig om inligting oor die ontwerp en die missies rakende die stasie vry te stel.^[4]

Met die lansering bereik dit 'n hoogte van 219 tot 270 km^[5] en NASA het berig dat die finale wentelbaanhoogte 268 tot 272 km was.^[6] Slegs een van die drie beoogde bemanning-sendings het met sukses aan boord gegaan en die stasie beman. Hulle is gebring deur Sojoes 14. Sojoes 15 het probeer om 'n tweede groep bemanning te bring, maar kon nie dok nie.

Alhoewel weinig amptelike inligting oor die stasie bekend gemaak is, berig verskeie bronne dat dit verskeie aardwaarnemingskameras bevat, sowel as 'n aanboord kanon. Die stasie is uit 'n wentelbaan gehaal en het op 24 Januarie 1975 weer die atmosfeer binnegegaan. Die volgende ruimtestasie wat deur die Sowjetunie van stapel gestuur is, was die burgerlike stasie Saljoet 4 en die volgende militêre stasie was Saljoet 5, wat die finale Almaz-ruimtestasie was.

1. ↑ Anatoly Zak. "OPS-2 (Salyut-3)" (in Engels). RussianSpaceWeb.com. Geargiveer vanaf die oorspronklike op 21 November 2019. Besoek op 24 Februarie 2020.
2. ↑ ^{2,0 2,1} Portree (1995).
3. ↑ Hall and Shayer (2003).
4. ↑ Zimmerman (2003).
5. ↑ Bond (2002).
6. ↑ "Salyut 3 - NSSDC ID: 1974-046A" (in Engels). NASA. Geargiveer vanaf die oorspronklike op 26 Mei 2020.